پاپا فرانسیس، پاپای ڤاتیكان
گەیشتە عێراق و له لایه‌ن مستەفا کازمى سه‌رۆك وه‌زیرانی عێراق پێشوازی لێكرا.
کاتژمێر (2)ى
پاشنیوەڕۆى ئەمرۆى هەینى (5/3/2021)، پاپا فرانسیس پاپای ڤاتیكان گەیشتە عێراق و
لە فڕۆکەخانەى بەغدا له لایه‌ن مستەفا کازمى سه‌رۆك وه‌زیرانی عێراق پێشوازی لێكرا
و پێکەوە کۆبونەوە.
لە سه‌ردانه‌كه‌یدا بۆ
عێراق، بڕیارە پاپا سه‌ردانی هه‌ریه‌ك له نه‌جه‌ف و ناسریه و هه‌ولێر و موسڵ بکات
و لەگەڵ عه‌لی سیستانی مەرجەعى باڵاى شیعەکانى عێراق کۆببێتەوە.
بڕیارە رۆژی یەکشەممە،
پاپا سەردانى هەولێر بکات و ئاهەنگی ئاینی مەسیحی لە یاریگای (فرانسۆ هەریری) بەڕێوەدەچێت
کە بە هەزاران کریستیان ناوى خۆیان تۆمارکردوە بۆ بەشداری کردن لەو ئاهەنگە و
دیدەنى پاپادا.
هاوکات رێكاری توندی
ئه‌منی بۆ پاراستنی پاپا له كاتی مانه‌وه‌ی له عێراق گیراوه‌ته‌به‌ر و رۆژى دووشەممە
سەردانەکەى پاپا لە عێراق کۆتایى دێت و لە فڕۆکەخانەى بەغداوە دەگەڕێتەوە بەرەو
ئیتاڵیا.
603 جار خوێندراوەتەوە