پاش ئەوەی دۆناڵد ترەمپ بڕیاری هەڵگرتنی گەمارۆ دەریاییەکانی دا، چەند کەشتییەکی ئێرانی، لە نێویاندا نەوتهەڵگر و کەشتیی بارهەڵگر، بەبێ کێشە بە هێڵی گەمارۆکاندا تێپەڕین و بەرەو ئامانجەکانیان بەڕێکەوتن.

میدیاکانی ئێران بڵاویانکردەوە، نەوتهەڵگرێکی زەبەلاحی ئێرانی (VLCC) لە ئاوە نێودەوڵەتییەکانەوە بە ناوچەی گەمارۆدراودا تێپەڕیوە و بەرەو بەندەرەکانی ئێران دەڕوات.

هاوکات، کەشتییەکی دیکە کە هەڵگری ئالیکی ئاژەڵە، بە هەمان ناوچەدا تێپەڕیوە و بەرەو ناوخۆی وڵاتەکە لە جووڵەدایە. لە لایەکی دیکەشەوە، نەوتهەڵگرێکی پڕ لە نەوتی ئێرانی، بە دەریای عومان و هێڵی گەمارۆکاندا تێپەڕیوە و بەرەو وێستگەی هەناردەکردنی خۆی بەڕێکەوتووە.

جێی ئاماژەیە، پاش قبوڵکردنی مەرجەکانی ئێران بۆ گەیشتن بە ڕێککەوتنی ئاگربەست، دۆناڵد ترەمپ، بڕیاری کۆتاییهێنان و هەڵگرتنی گەمارۆ دەریاییەکانی سەر ئەو وڵاتەی ڕاگەیاند.