فڕۆکە جەنگییەکانی یۆنان رێگرییان لە کەشتییەکی تورکیا کرد

KNN : Kurdish News Network
06:26 - 23/02/2021
جیهان

لە باکوری دەریای ئیجە، فڕۆکە جەنگییەکانی یۆنان رێگرییان لەکەشتییەکی لێکۆڵینەوەی دەریایی و دەرهێنانی نەوتی تورکیا کرد.

 

 
بەگوێرەی هەواڵێکی ئاژانسی ئەنادۆڵ، کەشتی چەشمە کە کەشتییەکی تورکی تایبەت بە لێکۆڵینەوەی دەریاییە لە باکوری دەریای ئیجە دەستی بە لێکۆڵینەوەی تەکنیکی و زانستی کرد و بڕیارە تا دوای مانگی ئادار لە باکوری دەریای ئیجە بمێنێتەوە.

 

 

کەشتی چەشمە لەلایەن چوار فڕۆکەی جەنگیی یۆنانی لە جۆری F-16 روبەڕوی رێگری بوەوە، ئاژانسەکە ئەوەشی ئاشکرا کردوە کە فڕۆکەکان ژمارەیەک فیشەکی روناکییان ئاراستەی کەشتییەکە کرد.

 


هەرچەندە تورکیا رایگەیاندوە کە کێشەکانی دەریای ناوەڕاست و دەریای ئیجە لەڕێی گفتوگۆ و یاسا نێودەوڵەتییەکانەوە چارەسەردەکرێن، بەڵام بەردەوامە لەچالاکییەکانی لەو ناوچانەی کە یۆنان بە خاکی خۆی دەزانێت، ئەوەش گرفتەکەی قوڵکردۆتەوە و یۆنانیش بەردەوامە لەوەڵامدانەوە.

293 جار خوێندراوەتەوە