فەڕەنسا دژایەتی خۆی بۆ رۆڵی توركیا دەربڕی

KNN : Kurdish News Network
09:00 - 20/11/2020
جیهان

فەرەنسا نیگەرانە لەو رۆڵەی توركیا لە هەرێمی قەرەباغ دەیگێڕێت و داواشیكردووە، لەلایەن كۆمەڵگەی نێودەوڵەتییەوە سەرپەرشتی ئاگربەستی قەرەباغ بكرێت.

 

 
ئیمانوێڵ ماكرۆن، سەرۆكی فەرەنسالە پەیوەندییەکی تەلەفۆنیدا لەگەڵ سەرۆكی ئازەربیجان و سەرۆك وەزیرانی ئەرمینیا گفتوگۆی كردووە و جەختیكردۆتەوە، كە پاریس دەیەوێت كۆمەڵەی (مینسك) رۆڵێكی زیاتر بگێڕێت و چاودێری رەوشی ئاگربەستی نێوان هەردوولا بكات.

 

ئاماژەی بەوەشکردوە، هەوڵەكانی دەخاتەگەڕ بۆ ئەوەی سەرپەرشتی نێودەوڵەتی بۆ چاودێریكردنی ئاگربەستی قەرەباغ بێتە ئاراوە، زەمینە خۆش بكرێت بۆ گەڕانەوەی ئاوارەكان و دەرچوونی چەكدارە بیانییەكان لەو ناوچەیەدا، بەتایبەتی ئەو چەكدارانەی لە سووریاوە هێنراونەتە ناوچەكە.

 

پرسی قەرەباغ بووەتە یەكێك لەو پرسانەی كە ناکۆکی نێوان ئەنقەرە و پاریسی لەسەرە، فەرەنسا بڕوای وایە ئەنقەرە لەپشت هەڵگیرسانی شەڕی قەرەباغە، چونكە پشتیوانی ئازەربیجان لە دژی ئەرمەنەكان دەكات.

436 جار خوێندراوەتەوە