حەشدى شەعبى وردەکارى کوشتارگەکەى ناوچەى فەرحانیە ئاشکرادەکات

07:39 - 18/10/2020
عێراق

فەرماندەیەکى لیواى (41) حەشدى شەعبى گێڕانەوەیەکى جیاواز بۆکوشتارگەکەى ناوچەى فەرحانیەى سەر بەپارێزگاى سەلاحەدین دەکات و رایدەگەنێت ئەو رووداوە دوابەداى هێرشی  چەکدارانى داعش بۆسەرهێزەکەى ئەوان رووى داوە.

قاسم ئەلکرێتى، فەرماندەى ئۆپەراسیۆنەکانى لیواى (41) حەشدى شەعبى رایگەیاند، بەرلەدوو رۆژ لەقەزاى بەلەد داعش هێرشى کردوەتە سەر هێزەکانیان و لەهێرشەکەدا یەکێک لەچەکدارەکانیان کوژراوە.

راشیگەیاندوە، دوابەدواى ئەوهێرشە چەکدارانى داعش هێرشیانکردوەتە سەر گوندى فەرحانیە و ئەوگەنجانەیان رفاندوە کە ژمارەیەکیان ئەندامى هێزەکانى حەشدى عەشائیرى بوون.

ئەو رووداوە لەشەقامى عێراقیدا دەنگدانەوەى زۆرى بەدواى خۆیداهێنا، بەجۆرێک مستەفا کازمى سەرۆک وەزیران ناچاربوو سەردانى شوێنى رووداوکە بکات.

3057 جار خوێندراوەتەوە