وڵاتانی ئەوروپا دووبارە رێوشوێنەکانی روبەڕوبونەوەی ڤایرۆسی کۆرۆنایان راگەیاندەوە، رێکخراوی تەندروستی جیهانیش هۆشیاری دەدات و رایدەگەیەنت، دۆخى کۆرۆنا جێی نیگەرانییەکی زۆرە.

هانز کلوگە بەڕێوبەری لقی ئەوروپای رێکخراوی تەندروستی جیهانی رایدەگەیەنێت، لە ئەوروپا ژمارەی توشبوان بە ڤایرۆسی کۆرۆنا و ئەوانەی رەوانەی نەخۆشخانەکان دەکرێن تا دێت زیاتر دەبێت.

وتیشى؛ لە ئێستادا ڤایرۆسی کۆرۆنا پێنجەمین هۆکاری گیان لەدەستدانە لە ئەوروپادا و رۆژانە زیاتر لە هەزار کەس بەهۆی ڤایرۆسەکەوە گیان لەدەستدەدەن.

ڕێکخراوی تەندروستی جیهانی هۆشیارى دەدات و رایدەگەیەنێت، رێژەی گیان لەدەستدانەکان پێدەچێت تاوەکو مانگی یەکی ساڵی داهاتوو چوار بۆ پێنج هێندەی مانگی چواری ئەم ساڵ زیاد ببن، کە لەوکاتەدا زۆرترین رێژەى گیانلەدەستدان تۆمارکرابوو.