سەرچاوەیەک لە ئاسایشى هەولێر بۆ دیجیتاڵ میدیاى(KNN): موشەکەکان ئاراستەى فڕۆکەخانەى هەولێر کراون

09:13 - 30/09/2020
کوردستان

بەڕێوەبەرى پۆلیسى هەولێر رایدەگەیەنێت، موشەکێک لە نزیک بنکەى هێزەکانى ئەمەریکا لە هەولێر کەتۆتە خوارەوە، زانیارییەکیش لە ئاسایشى شارەکە ئاشکرایدەکان، موشەکەکان ئاراستەى فڕۆکەخانەى هەولێر کراون.

چەند خولەکێک دواى کاتژمێر (08:30)ى ئەمشەو دەنگى چەند تەقینەوەیەکى بەهێز لە گوندى گردەچاڵى بیسترا، دواتر ئاگر لەو زەویانە کەوتەوە کە نزیکن لە بنکە و بارەگاکانى حیزبى دیموکراتى ئێران کە لەو سنورە جێگیرکراون، ئەمە بە وتەى دانیشتویەکى گوندى گردەچاڵ کە بە دیجیتاڵ میدیاى (KNN)راگەیاند.

لەسەر روداوەکە، بەڕێوبەری پۆلیسی هەولێر رایگەیاند:"موشەکێک لە نزیک بنکەی هێزەکانی ئەمەریکا لە هەولێر و دەوروبەری دارەبەن کەوتە خوارەوە و دەستمان بە لێکۆڵینەوە کردوە.

سەرچاوەیەکیش لە ئاسایشى هەولێر، بە دیجیتاڵ میدیاى(KNN) راگەیاند: موشەکەکان ئامانج لێى فڕۆکەخانەى هەولێر و ئەو بنکە سەربازییە ئەمەریکییەبوە کە لەنزیک فڕۆکەخانەکەیە.

ئاشکراشیدەکات، موشەکەکان لەلایەن سیستمى بەرگرى دژە موشەکى پوچەڵکراونەتەوە و لە نزیک گوندى گردەچاڵ و دارەبەن کەوتونەتە خوارەوە.

گوندى گردەچاڵ، دەکەوێتە پشت مەتاڕى هەولێر لە سنورى ناحیەى بەحرکەى سەر بە شارى هەولێر.

3777 جار خوێندراوەتەوە