ئەمڕۆ، (40) ساڵ بەسەر دەستپێکردنى جەنگى هەشت ساڵەى (عێراق-ئێران)دا تێدەپەڕێت، کە تێیدا زیاتر لە نیو ملیۆن کەس لە هەردولا کوژران.

رۆژ، (22/9/1980)، بەهێرشى سەربازانى عێراق، جەنگ لە نێوان ئێران و عێراق دەستى پێکردو کە حەوت ساڵ و (11) مانگ و چوار هەفتە و یەک رۆژى خایاند و ئەمڕۆش (40) ساڵ بەسەر دەستپێکردنى ئەو جەنگەدا تێدەپەڕێت، کە لە رۆژى (8/8/1988) کۆتایى هات.

جەنگەکە لە دواى جەنگى ڤێتنام دوەمین گەورەترین جەنگى سەدەیى رابردوبو، کە تێیدا زیاتر لە (730) هەزار ئێرانى و (340) هەزار عێراقى و (100) هەزار مەدەنى هەردولا کوژران.

لەدواى جەنگەکە هەر وڵاتێکیان سەرکەوتوبوبن، لەبەرامبەردا هەژارایى و دواکەوتوییان بۆ کۆمەڵگەکیانیان هێنا، چونکە هەردولایان ملیارەها دۆلاریان لە جەنگەکەدا کردە باڕوت و دژى یەکترى بەکاریان هێنا، بەشێوەیەک بەپێى خەمڵاندنەکان، زیاتر لە (230) ملیار دۆلار لەو شەڕەدا خەرجکراوە و زیانەکانیش بە (400) ملیار دۆر خەمڵێنراون.