وتەبێژی داواکاری گشتی سعودیە رایدەگەیەنێت؛ (10) تۆمەتبارى کوشتنى خاشقچى سزایان بەسەردا سەپێنرا کە پێنج لەو کەسانە بە (20) ساڵ حکومدراون.

وتەبێژی داگای تاوانەکان بە ئاژانسی هەواڵی سعودیەى راگەیاند: دادگا لە دۆسیەی کوژرانی رۆژنامەنوس جەمال خاشقچیدا بڕیاریدا و سزای زیندانیی بۆ ماوەی (20) ساڵ بەسەر پێنج تاوانباردا سەپاند و سێ تاوانبارى دیکەش بە (10) ساڵ زیندانى و دو تاوانباریش بە حەوت ساڵ زیندانى حکومدران.

جەمال خاشقچی یەکێک بو لە رۆژنامەنوسە بەناوبانگەکانى وڵاتى سعودییە و لە رۆژنامەى واشنتۆن پۆست وتارى دەنوسى، لە رۆژى (2/10/2018)، بەمەبەستى ئەنجامدانى مامەڵەى هاوسەرگیرى سەردانى کونسوڵخانەى سعودیا دەکات لە وڵاتى تورکیا، بەڵام لەوێ دەکوژرێت و کوشتنەکەشى دەنگدانەوەیەکى جیهانى لێکەوتەوە، تائێستاش نازانرێت تەرمەکەى چى لێهاتوە.