پاریس و بایرن، یەکێکیان دەبێتە پاڵەوانى پاڵەوانەکان

09:49 - 23/08/2020
وەرزش

لە یارى کۆتایى چامپیۆنس لیگ (2020)دا، هەردو یانەى بایرن میونخى ئەڵمانى و پاریس سانجێرمانى فەرەنسى روبەڕوى یەکترى دەبنەوە.

کاتژمێرى (10:00)ى ئەمشەو، یاریگاى دالوز لە لیشبۆنەى وڵاتى پرتوگال دەبێتە مەیدانى روبەڕوبونەوەى پاریس و بایرن و کۆتا رکابەرى پاڵەوانى پاڵەوانەکانى تێدا ئەنجام دەدرێت.

پاریس و بایرن، ئەمساڵ لەسەر ئاستى ناوخۆى وڵاتەکانیان هەمو شتێکیان بەدەستهیناوە و هاتون چامپیۆنس لیگیش ببەنەوە.

یانەى پاریس سانجێرمان، بۆ یەکەمجاریەتى لەمێژویدا بگاتە یارى کۆتایى، بەڵام گەیشتنى کوڕانى خەلێفى بە توانا و هەوڵێکى زۆر و پلانى یانەکەیە کە پێنج ساڵى رابردو چەندین ملیۆن دۆلار و یاریزانى ناوازەى بۆ ئامادەکردوە، بۆ ئەم کۆتاییەش بونى نیمار و ئیمپاپێ و دیماریا و چەندین ئەستێرەى دیکە هەنگاوە بە ئاراستەى بردنەوەى نازناوەکە.

هەرچى یانەى بایرن میونیخە بۆ ئەم کۆتاییە، بەئەزمون و بەئەنجام ئامادەیە، بەشێوەیەک پێشتر پێنج جار نازناوەکەى بردۆتەوە بۆ باڤاریا و بۆ ئەمساڵیش بەسەر تەرمى بەرشەلۆنەدا گەیشتۆتە یارى کۆتایى، بۆیە مۆلەر و نۆیەر و لیڤا، هەم بە ئاست هە بە ئەزمون ئامادەیى ئەم یارییەن.

پێشتر هەردو یانە نۆ جار روبەڕوى یەکترى بونەتەوە، پاریس لە پێنج یارى براوەبوە و بایرنیش لە چوار یارى براوەبوە، یارى دەیەمیان یارییەکە بەهایى هەمو ئەنجامەکانى پێشوترى هەیە و کامیان بیباتەوە مێژوى روبەڕوبونەوەکانیان و چامپیۆنسلیگ دەباتەوە.

270 جار خوێندراوەتەوە