هەردو یانەى پاریس سانجێرمانى فەرەنسى و لایپزیگى ئەڵمانى لە قۆناغى چوارگۆشەى زێڕینى خولى یانە پاڵەوانەکانى ئەوروپا روبەروى یەکترى دەبنەوە.

یارییەکە کاتژمێرى (10:00)ى ئەمشەو لە شارى لیشبۆنەى وڵاتى پرتوگال ئەنجام دەدرێت و براوە بلیتى کۆتایى پاڵەوانەکانى ئەوروپا مسۆگەر دەکات.

مارکۆس کۆرچەى راهێنەرى لایپزیگ پێى وایە هەلى سەرکەوتن بۆ هەردولا (50 بە 50)یە، بەڵام تامەزرۆیى نیمار و ئیمپاپێ و ناسر خەلێفى سەرۆک، یانە پاریسییەکەى شێت و هارکردوە و هاتون بۆ بردنەوەى نازناوەکە.

لەقۆناغى پێشتر لایپزیگ ئەتڵەتیکۆ مەدریدى ئیسپانى خستە دەرەوە و پاریسیش ئەتەلانتاى ئیتاڵى بێبەشکرد.

براوەى یارییەکەى ئەمشەو شەوى (23)ى ئەم مانگە دەگاتە یارى دالوزى وڵاتى پرتوگال و یارى کۆتایى چامپیۆنسلیگى (2020) ئەنجام دەدات.