وێنە.. جوتیارانى شارەزور کێشەى ساغکردنەوەى بەرهەمەکانیان هەیە

01:46 - 16/08/2020
گەلەری

لەئێستادا کە وەرزی رنینەوەی بەروبوومی تەماتە و بیبەرە، جووتیاران کێشەی ساغکردنەوەی بەروبوومەکانیان هەیە، ئەوەش بەهۆی کەمی نرخەکان.

جونەید یوسف کە جووتیارێکی گوندی تەپەڕەشی شارەزورە ئاماژە بەوە دەکات، رۆژانە باینجان و بیبەری تون و تەماتە دەڕننەوە لە کێڵگەکەیان و بە ئۆتۆمبێل دەیبەنە شار لە عەلوە دەیفرۆشن.

جونەید بەنیگەرانییەوە باس لەوە دەکات، رۆژێک بەتەواوی تەنها (50) کیلۆی بەرهەمەکەیەتى کە دەکاتە (12)هەزار و (500) دینار، بەڵام بۆ لێکردنەوەی تا نیوەڕۆ کرێکارێک بە (15) هەزار کار دەکات ئەمەش زەرەرە و مایەکەشی دەرناهێنێتەوە.

لەهەمان کێڵگەدا، براکەى جونەید کاردەکات و سەرقاڵی لێکردنەوەی باینجانە، ئەویش هەمان کێشەی هەبو کە بەروبومەکانیان لە بازاڕ پارە ناکات و بژێوى ژیانیان دابین ناکات

280 جار خوێندراوەتەوە