وەزارەتی تەندروستی عێراق ئاماری 24 کاتژمێری ڕابردووی توشبوون و گیان لەدەستدان و چاکبونەوەی لە کۆرۆنا ڕاگەیاند و بەپێی ئامارەکە رێژەی مردن بەشێوەیەکی بەرچاو کەمیکردوە.

 بەپێی ڕاگەیەندراوی وەزارەتی تەندروستی 57 حاڵەتی گیان لەدەستدان تۆمارکراوە کە ئەوەش بەراورد بە رۆژانی ڕابردوو کەمبوەتەوە.

هاوکات سێ هەزار و 441 توشبووی نوێش تۆمارکراوە،بەوەش ژمارەی توشبوون 160 هەزاری تێپەڕاند.

هەروەها دووهەزار و 439 چاکبونەوەش تۆمارکراوە و کۆی چاکبونەوەش لە 115 هەزار نزیکبوەوە.

بەپێی ئامارەکانی وەزارەتی لە ئێستادا 40 هەزار و 307 کەس لە نەخۆشخانەکان چارەسەر وەردەگرن و لەو ژمارەیەش 592 کەسیان باری تەندروستیان ناجێگیرە و لە ژێر چاودێری ورددان.