خۆپیشاندەرانی بەیروت دەستیان بەسەر باڵەخانەی وەزارەتی دەرەوەدا گرت

06:53 - 08/08/2020
جیهان

خۆپیشاندانی هاوڵاتیانی لوبنان دژی دەسەڵاتدارانی وڵاتەکە بەردەوامە و کەمێک پێش ئێستا بەشێک لە خۆپیشاندەران چونە نێو باڵەخانەی وەزارەتی دەرەوە.

 

 کەناڵی ئەلعەرەبیە بڵاویکردوە لە خۆپیشاندانەکەدا توندوتیژی لە نێوان خۆپیشاندەران و هێزە ئەمنیەکاندا ڕویداوە و چەند کەسێک برینداربوون.

 

خۆپیشاندەران دروشمی روخانی دەسەڵات و بەیروت شاری چەک نیەیان بەرزکردۆتەوە.

 

هاوکات وێنەی میشێل عەون سەرۆک کۆماری لوبنان و حەسەن نەسروڵا ئەمینداری گشتی حزبوڵایان بەرزکردۆتەوە و پەتی سێدارەین کردۆتە ملیان.

 

ئەوە لەکاتێکدایە لە چەند رۆژی ڕابردوودا دوو تەقینەوەی گەورە لە بەندەری لوبنان ڕویداو بەو هۆیەوە زیاتر لە 150 کەس کوژران و چوار هەزار کەسیش برینداربوون،هەروەها زیانێکی زۆر بە دانیشتوانی شارەکە کەوت.

627 جار خوێندراوەتەوە