ئەم خواردنانە ئەگەر گەرم بكرێنەوە ژەهراوی دەبن

08:39 - 14/07/2020
تەندروستی

زۆرن ئەو كەسانەی ئەو خواردنەی ڕۆژانە ئامادەی دەكەن لێیان دەمێنێتەوەو هەڵیدەگرن تا لە ژەمێكی دیكەدا گەرمی بكەنەوە و بیخۆن، بەڵام گەرمكردنەوە و هەڵگرتنی خواردن مەرجی خۆی هەیە، ئەمە جگە لەوەی بەشێكی خواردنەكان نابێت گەرم بكرێنەوە و هەڵبگیرێن، چونكە ئەگەر هەیە ماددەی ژەهراوی لە پێكهاتەكەیاندا دروست بێت و زیان بە تەندروستی بگەیەنن.

1- پەتاتە: دوای لێنانی ئەگەر لە پلەی گەرمای ژووردا هەڵبگیرێت چەند بەكتریایەك لە پێكهاتەكەیدا دروست دەبێت و بەشێكی زۆری سودەكانی لەدەست دەدات، بۆیە ئەگەر دەتەوێت لە ژەمێكی دیكەدا پەتاتە گەرم بكەیتەوە و بیخۆیت، دەبێت لە ئامێری ساردكەرەوەدا هەڵبگیرێت.

2-    قارچك: دوای لێنانی نابێت لە ڕۆژێك زیاتر هەڵبگیرێت، چونكە گۆڕانكاری لە پڕۆتینی پێكهاتەكەیدا دروست دەبێت و ئەگەر بۆ ماوەیەكی زۆر هەڵبگیرێت ڕەنگە لەكاتی گەرمكردنەوەدا زیان بە تەندروستی بگەیەنێت.

3-    هێلكە: بە هەر شێوازێك ئامادەكرابێت نابێت هەڵبگیرێت و لە ژەمێكی دیكەدا گەرم بكرێتەوە و بخورێت، چونكە دەبێتە هۆی ژەهراویبوون.

4-    برنج: هاوشێوەی پەتاتە ئەگەر لە پلەی گەرمی ژووردا هەڵگیرا بۆ گەرمكردنەوە ناشێت، بەڵام ئاساییە بەشێوەیەكی تەندروست لە ئامێری ساردكەرەوەدا هەڵبگیرێت و لە ژەمێكی دیكەدا گەرمبكرێتەوە و بخورێت.

5-    مریشك: لای هەمووان ئاشكرایە مریشك دەوڵەمەندە بە پڕۆتین بۆیە ئەگەر زیاتر لە جارێك گەرم بكرێتەوە ماددەكانی پێكهاتەكەی ڕەنگە بگۆڕێن بۆ ژەهر و زیان بە تەندروستی بگەیەنن، بەڵام دەتوانرێت مریشكەكە بە ساردی بخورێت و چەند جۆرێكی زەڵاتەی پێ ئامادە بكرێت.

6-    گەڵا سەوزەكان، گەڵاكانی وەك سپیناغ و كەرەوز بڕێكی زۆر نیترات لە پێكهاتەكەیاندا هەیە، بۆیە ئەگەر زیاتر لە جارێك گەرم بكرێنەوە لەگەڵ خوێن كارلێك دەكەن و ئەگەری توشبوون بە شێرپەنجە زیاد دەكەن.

7-    زەیتەكان: زەیتەكانی وەك ناوكی ترێ، گوێز، ئاڤۆكادۆ هەروەها زەیتی بوندق و ناوكی كەتان سەرجەمیان بە دووبارە گەرمكردنەوەیان زیان بە پێكهاتەكەیان دەگات و ئەگەر هەیە ژەهراوی ببن.

3274 جار خوێندراوەتەوە