لەبارەی قەوارەی هەرێم و دو ئیدارەییەوە رێکخەری گشتی گۆڕان چی بە ئێرانی و ئەمەریکیەکان وت؟

07:23 - 08/07/2020
کوردستان

ئەندامێکی ژوری پەیوەندیە دیپلۆماسییەکانى بزوتنەوەى گۆڕان رایدەگەیەنێت، پێش ئەنجامدانی ریفراندۆم، رێکخەرى گشتى بزوتنەوەى گۆڕان لەگەڵ بەرپرسانی باڵای ئەمەریکا و ئێران لە دوو دیدارى جیاوازدا دژایەتی بۆ هەر هەڵوێستێک دەربڕیوە کە دژی قەوارەی هەرێم و دو ئیدارەیی بێت.

شوناس شێرکۆ ئەندامی ژوری پەیوەندیە دیپلۆماسیەکانی بزوتنەوەی گۆڕان ئاشکراى دەکات، پێش روداوەکانی ریفراندۆم قاسم سولەیمانی فەرماندەی سوپای قودس چاوی کەوت بە عومەرسەید عەلی رێکخەری گشتی بزوتنەوەی گۆڕان و لەو دیدارەدا رێکخەری گشتی بە توندی دژایەتی خۆی بۆ هەر هەڵوێستێک دەربڕی دژی هەڵوەشاندنەوەی ئەم هەرێمە و دو ئیدارەیی بێت.

ئاماژە بەوەش دەکات، دوای هەفتەیەک لەو دیدارە، برێت مەکگۆرک نوێنەری سەرۆکی ئەمەریکا لە شەڕی دژی داعش سەردانی بزوتنەوەى گۆڕانی کرد و گۆڕان هەمان پەیامی هەبو.

بزوتنه‌وه‌ی گۆڕان سه‌ره‌ڕای تێبینی و ره‌خنه‌ تونده‌كانی له‌ چۆنیه‌تی به‌ڕێوه‌چونی هه‌رێمی كوردستان و سیسته‌می فه‌رمانڕه‌وایی، به‌ڵام به‌هیچ شێوه‌یه‌ك له‌گه‌ڵ دو ئیداره‌یی و هه‌ڵوه‌شاندنه‌وه‌ی قه‌واره‌ی هه‌رێم نه‌بوه‌، ته‌نانه‌ت نه‌یویستوه‌ به‌ لاوازیش نیشان بدرێت.

6248 جار خوێندراوەتەوە