وەزارەتی پەروەردەی عێراق لەبارەی خوێندنی ئەمساڵەوە کۆتا بڕیاریدا

12:18 - 19/05/2020
عێراق

وەزارەتی پەروەردەی عێراق لەبارەی پرۆسەی خوێندی ئەمساڵەوە کۆتا بڕیاریدا و ڕایگەیاند بۆ هەموو ئەو پۆلانەی کە بەکالۆری نین نمرەی وەرزی یەکەم هەژماردەکرێت.

 

 

لە ڕاگەیەندراوێکدا وەزارەتی پەروەردەی عێراق ئاشکرایکردوە،هەر خوێندکارێک لە نمرەی وەرزی یەکەم چەند وانە دەرنەچوبێت ئەوە لەکاتێکی دیکەدا دەبێت تاقیکردنەوە بکاتەوە.

 

 

ئاماژەی بەوەشکردوە بەم جۆرە کۆتایی بە پرۆسەی خوێندنی ئەمساڵ هاتووە و پرۆسەی خوێندن دەستپێ ناکاتەوە.

 

 

ئەوەش لەکاتێکدایە بەهۆی بڵاوبونەوەی ڤایرۆسی کۆرۆناوە ماوەی دوو مانگ زیاترە پرۆسەی خوێندن ڕاگیراوە و رۆژانەش تۆمارکردنی حاڵەتەکانی ڤایرۆسی کۆرۆنا زیاد دەکات.

1556 جار خوێندراوەتەوە