سەنتەری فەلەکى نێودەوڵەتى یەکەم رۆژى جەژنى ئاشکراکرد

07:21 - 18/05/2020
جیهان

سەنتەرى فەلەکى نیودەوڵەتى رایگەیاند، پێشبینى ئەوە دەکەن رۆژى یەکشەممە (24/5/2020) یەکەم ڕۆژى جەژنى رەمەزانی پیرۆز بێت.

 

سەنتەرى فەلەکى نێودەوڵەتى لە تویتێکدا لەسەر هەژمارى تایبەتى خۆى لە تۆڕی کۆمەڵایەتی تویتەر بڵاویکردەوە، لەو وڵاتانەى کە تێیاندا (24/4/2020) یەکەم رۆژى مانگى رەمەزان بووە، هەینى داهاتوو(22)ى ئەم مانگە دەبێتە (29)ى رەمەزان، بەڵام بەهۆى ئەوەى ڕۆژى هەینى ناتوانرێت مانگ ببینرێت بۆیە رۆژى شەممە دەبێتە تەواوکەرى مانگى رەمەزان.

 

بەو جۆرەش رۆژى یەکشەممەی داهاتوو (24)ى ئایار دەبێتە یەکەم رۆژى جەژنی ڕەمەزانی پیرۆز.

 

ئەوە لە کاتێکدایە، ساڵانە موسوڵمانانى جیهان لەگەڵ بینینى مانگى رەمەزاندا بەرۆژو دەبن و بە بینینى مانگى شەوالیش دەیکەن بە جەژن.

17754 جار خوێندراوەتەوە