ژمارەى حاڵەتەكانى تووشبوون بە ڤايرۆسى كۆرۆنا لە جیهاندا سێ مليۆن و ٧٠٠ هەزار کەسی تێپەڕاند.

بە گوێرەى دوايين زانيارییه‌كانى ماڵپەرى "Worldometer" سەبارەت بە ئامارەكانى په‌یوه‌ست بە ڤايرۆسى كۆرۆنا وڵات و ناوچەكاندا، ژماره‌ی حاڵەتەكانى تووشبوون بە ڤايرۆسى كۆرۆناى نوێ (COVID-19) لە سەرانسەرى جيهان بۆ سێ مليۆن و ٧٠٥ هەزار و ٨٩٦ حاڵه‌ت بەرزبووەتەوە.

هەر بەپێی ئامارەکان تاوەكو ئێستا لەسەرانسەرى جيهان، نزيكەى ٢٥٦ هەزار و ٥٤٢ تووشبوو گيانيان لەدەستداوە.

هەروەها يەك مليۆن و ٢٢٧ هەزار و ٧٤٥ تووشبووى ڤايرۆسى كۆرۆنا چاكبوونەتەوە و نەخۆشخانەيان جێهێشتووە و لەئێستادا دوو مليۆن و ٢٢١ هەزار و ٦٠٩ تووشبووى ديكەى لە ژێر چارەسەركردندان. 

زۆرترين حاڵەتى تووشبوون بە يەك مليۆن و ٢٢٦ هەزار و ١٢٣ حاڵەت لە ئەمريكا تۆماركراوە و له‌دوای ئه‌ویش لە ئيسپانيا ٢٥٠ هەزار و ٦١ حاڵه‌ت، لە ئيتاڵيا ٢١٣ هەزار و ١٣ حاڵه‌ت، لە بەريتانيا ١٩٤ هەزار و ٩٩٠، تۆماركراون.

ئەو وڵاتانەى كە لە سەرووى ١٠ هەزار حاڵەتى تووشبوونيان تێدا تۆماركراوە بریتین لە كەنەدا و بەلجيكا و هيندستان و  پيرۆ و هۆڵەندا و ئيكوادۆر و سعووديە و سويسرا و پورتوگال و مەكسيك و  سويد و چەند وڵاتێکی دیکە.