کەسایەتییەکی ناسراوی چەمچەماڵ کوژرا

04:54 - 06/03/2020
کوردستان

پۆلیسی سلێمانی رایگەیاند، ئەمڕۆ لە سنوری چەمچەماڵ چەند چەکدارێک تەقەیان لە کەسێک کردووە کوژراوە.

سەرکەوت ئەحمەد بەڕێوەبەری‌ بەشی‌ ڕاگەیاندن‌ و پەیوەندییەکانی‌ بەڕێوەبەرایەتی‌ پۆلیسی‌ پارێزگای‌ سلێمانی‌ بە دیجیتاڵ میدیای KNNی راگەیاند، دوا نیوەڕۆی ئەمڕۆ، چەند چەکدارێک لە ناوچەی شوان تەقەیان لە کەسێک بە ناوی (خەیروڵا کوێخا شەریف شوان) کردووە و بریندار کراوە.

ئاماژەی بەوەش کرد، تاکو گەیەنراوەتە نەخۆشخانە، بریندارەکە گیانی لەدەستداوە.

سەرکەوت ئەحمەد وتیشی، لە ئێستادا تیمەکانی پۆلیس سەرقاڵی لێکۆڵینەوەن لە رووداوەکە و تاکو ئێستاش ئەو کەسانە دەستگیرنەکراون تەقەیان کردووە.

 

خەیروڵا شەریف شوان پێشمەرگەی کۆنە و خانەنشینە.

33185 جار خوێندراوەتەوە