یەکێتی ئەوروپا لەبارەی کردنەوەی سنورەکانی تورکیا بۆ کۆچبەران هەڵوێستی خۆی راگەیاند

02:44 - 28/02/2020
جیهان

یەکێتی ئەوروپا لەبارەی کردنەوەی سنورەکانی تورکیاوە بۆ کۆچبەران، هەڵوێستی خۆی راگەیاند و داوای لە تورکیا کرد پابەندی رێککەوتنەکانی نێوانیان بێت.

لە بەیاننامەیەکدا یەکێتی ئەوروپا رایگەیاند، دەبێت تورکیا رێز لە رێککەوتنی تایبەت بە کۆچبەران بگرێت و پابەندی بەڵینەکانی بێت.

درەنگانی شەوی رابردوودا تورکیا سەرجەم سنورە ئاویی و وشکانییەکانی بەڕووی کۆچبەراندا کردەوە، تاکو روو لە وڵاتانی ئەوروپا بکەن.

ئەم بڕیارەی تورکیاش بۆ فشارخستنە سەر وڵاتانی رۆژئاوایە، تاکو بەرامبەر کوشتنی سەربازەکانی تورکیا لەلایەن سوریاوە هەڵوێست وەربگرن.

4903 جار خوێندراوەتەوە