تورکیا: ٦٣ سەربازی سوریا کوژراون

09:43 - 14/02/2020
جیهان

وەزارەتی بەرگری تورکیا رایگەیاند، لە پارێزگای ئیدلیب ٦٣ سەربازی سوریایان کوشتووە.

وەزارەتی بەرگری تورکیا لە بەیاننامەیەکدا ئاماژەی بەوە کردووە، بەپێی زانیارییەکانیان، ٦٣ سەربازی سوریا لە پارێزگای ئیدلیب کوژراون.

ئەم بەیاننامەیەی وەزارەتی بەرگری تورکیا دوای ئەوە دێت لە رۆژانی رابردوودا سوپای سوریا و تورکیا چەند جارێک هێرشیان کردە سەر یەکتر.

لە دوو هێرشی سوپای سوریاش بۆ سەر بنکەکانی چاودێری تورکیا لە ئیدلیب، نزیکەی ١٠ سەربازی سوپای تورکیا کوژران.

746 جار خوێندراوەتەوە