ڤیدیۆ..تورکمانەکان پەروەردەی کەرکوکیان هێلکە باران کرد

02:49 - 15/01/2020
کوردستان

سەرلەبەیانی ئەمڕۆ بەشێک لە دەرچووانی زانکۆ و پەیمانگاکانی پێکهاتەی تورکمان لە کەرکوک، لەبەردەم بەڕێوەبەرایەتی پەروەردەی کەرکوک خۆپیشاندانیان کرد و داوایانکرد دامەزراندنەکە رابگیرێت.

 

بەشێک لە دەرچووەکان بە هێلکە هێرشیان کردە سەر بینای پەروەردە و بەو هۆیەشەوە دەوامی پەروەردە راگیرا و فەرمانبەرەکان نێردرانە ماڵەوە.

 

دامەزراندنی ٢٨٤١ پلەی دامەزراندن لە کەرکوک، نیگەرانی زۆری کورد و تورکمانی لێکەوتۆتەوە و دەڵێن نا دادپەروەردی لە دامەزراندنەکە کراوە و مافی کورد و تورکمان خوراوە.

 

ئەمەش چەندین جارە دەرچوانی کورد و تورکمان خۆپیشاندان و گردبونەوە دژی دامەزراندنەکە ئەنجامدەدەن.

 

دوێنیش لیژنەی پەروەردەی پەرلەمانی عێراق نوێنەری وەزارەتی پەروەردە و بەڕێوەبەری پەروەردەی کەرکوکی بانگهێشت کرد و بڕیاریدا رێکارەکانی تایبەت بە دامەزراندنەکە رابگیرێت هەتا لێکۆڵینەوە لێ دەکرێت.

562 جار خوێندراوەتەوە