بەهۆی هەڵکردنی زریانەوە هەزاران هاوڵاتی فلیپینی ناوچەکانیان بەجێهێشتووە.

دوای ئەوەی راگەیەندرا لە چەند کاتژمێری داهاتوودا زریان و تۆفانی کاموری لە کەناراوەکانی باکوری رۆژهەڵاتی فلیپین دەدات، خەڵکی ناوچەکە بۆ شوێنەکانی دیکەی وڵاتەکە گواسترانەوە.

چاوەڕوان دەکرێت لە دورگەی لوزۆن کە قەرەباڵخترین شوێنی نیشتەجێبوونی وڵاتەکەیە بارانێکی بەلێزمە ببارێت و دواتر بیکات بە زریان و تۆفان.

هەر بەهۆی کاریگەریی چاوەڕوانکراوی زریانەکەوە بڕیاردراوە فڕۆکەخانەی نینۆی ئاکوینۆی پایتەخت بۆ ماوەیەکی کاتیی دابخرێت.

بەپێی پێشبینییەکانی کەشناسی وڵاتەکە، خێرایی زریانەکە دەگاتە ١٥٠ بۆ ١٨٥ کیلۆمەتر لە کاتژمێرێکدا.