درەنگانی شەوی رابردوو پەیجی فەرمی دەزگای دژە تیرۆری عێراق لە فەیسبوک
و تویتەر بڵاوی کردەوە فەریق تالب شەغاتی سەرۆکی دەزگاکە کودەتای سەربازی بەسەر
حکومەتدا ئەنجامدەدات بەڵام دواتر، هەواڵەکە ڕەتکرایەوە.
دواتر دەزگای دژە تیرۆری عێراق هەواڵەکەی رەتکردەوە و رایگەیاند
هەردوو پەیجەکەیان هاک کراون لەکاتێکدا هەردوو پەیجەکە بەفەرمی ناسێنراون و هاککردنی قورسە.
تالب شەغاتی سەرۆکی دەزگای دژە تیرۆری عێراق لەبەیانامەیەکدا
رایگەیاند ئەوان پارێزەری وڵات و حکومەتی ئێستان و ئەو بەیانامەیە لەلایەن
هاککەرەکانەوە بڵاو کراوەتەوە.
ئاماژەی بەوەشکردوە
توانراوە پەیجەکەی فەیسبوک بگەڕێننەوە بەڵام هێشتا تویتەرەکەیان بۆ نەگەڕاوەتەوەو
لەژێر دەستی هاککەرەکاندایە
24107 جار خوێندراوەتەوە