بۆریس جۆنسن، سەرۆکوەزیرانی
بەریتانیا، دوای وەرگرتنی رەزامەندی شاژنە ئێلیزابێسی دووەم، پەرلەمانی وڵاتەکەی ھەڵوەشاندەوە.
لەچوارچێوەی بڕیاری ئەنجامدانی
ھەڵبژاردنی پێشوەخت لە بەریتانیا، پەرلەمان ھەڵوەشێنرایەوە و بەوشێوەیەش بەریتانیا بە فەرمی پرۆسەی بەرەو ئەنجامدانی ھەڵبژاردنی
پێشوەخت لە ١٢ی کانوونی یەکەمدا، دەستپێکرد.
سەرۆکوەزیرانی بەریتانیا
داوایکرد بەمەبەستی تەواوبوونی برێکسیت دەنگ بە پارتی پارێزگاران بدرێت و رایگەیاند:
"یەکەم رۆژ دووبارە رێککەوتننامەکە دەبەینەوە پەرلەمان و دەنگی لەسەر دەدەین
و لە مانگی کانوونی دووەمدا (لە یەکێتیی ئەورووپا) جیادەبینەوە".
بۆریس جۆنسن، باسی لەوەش
کردووە وەک جێگرەوە ئەگەر بێت و پارتی کرێکاران کە گەورەترین پارتی ئۆپۆزسیۆنە دەسەڵات
بگرێتەدەست، ئەوا برێکسیت زیاتر دوادەکەوێت و ساڵی ٢٠٢٠ دەبێتە کابوسێک کە تێیدا
دوو ریفراندۆمی تێدا ئەنجام دەدرێت کە یەکیان تایبەت دەبێت بە یەکێتیی ئەورووپا و
ئەوی دیکەشیان ریفراندۆمی سەربەخۆیی سکۆتلەندا دەبێت.
دوای ئەوەی پەرلەمانی بەریتانیا نەیتوانی پرسی جیابوونەوە لە یەکێتی ئەوروپا یەکلایی بکاتەوە، بڕیاری هەڵبژاردنی پێشوەخت درا و بڕیارە رۆژی ١٢ی کانونی ئەمساڵ بەڕێوەبچێت.
1953 جار خوێندراوەتەوە