کۆمپانیای ئەپڵ بەکارهێنەرانی ئایفۆن پێنج و چوار ئێس ئاگاداردەکاتەوە ئەگەر مۆبایلەکانیان بۆ وەشانی نوێ ئەپدەیت نەکەنەوە چەند خزمەتگوزارییەکی وەکو ئەپستۆر و ئیمەیڵ لە کاردەکەون.

لە ئاگادارییەکدا کە کۆمپانیای ئەپڵ بۆ بەکارهێنەرانی ئایفۆن پێنج و چوار ئێس و چەند جۆرێکی ئایپاد ناردوویەتی، هاتووە، ئەگەر بەکارهێنەران وەشانی مۆبایلەکانیان تاوەکو رۆژی ٣ی مانگی ١١ نوێ نەکەنەوە، کێشە لە بەشی GPS و کات و بەرواری ئامێرەکانیان دروست دەبێت.

روونیشیکردووەتەوە، بەهۆی دروستبوونی کێشە بۆ بەشی GPS و کات و بەرواری ئامێرەکان، خزمەتگوزارییەکانی وەکو ئەپستۆر و ئایکلاود و ئیمەیڵ و وێب براوزەر کە پەیوەندی راستەوخۆیان بە کات و بەروارەوە هەیە کێشەیان بۆ دروست دەبێت و رادەوەستن.

هاوکات بەپیی راگەیاندراوەکەی ئەپڵ، پێویستە پێش ئەو بەروارە بەکارهێنەرانی ئایفۆن 5 وەشانی مۆبایلەکانیان بۆ 10.3.4 بەرزنەکەنەوە، هاوکات بەکارهێنەرانی ئایفۆن چوار ئێس و ئایپاد مینییش دەبێت وەشانەکانیان بۆ 9.3.6 بەرزبکەنەوە.