پەرلەمانی کوردستان داوا لە حزبەکان دەکات بەهانای ڕۆژئاواوە بچن

11:18 - 09/10/2019
کوردستان

پەرلەمانی کوردستان لە ڕاگەیەندراوێکدا داوا لە کۆی حزبەکان دەکات ناکۆکییەکانیان بخەنە ئەولاوە و بەهانای ڕۆژئاوای کوردستانەوە بچن.

 

لە ڕاگەیەندراوەکەی پەرلەماندا هاتووە " پەرلەمانی کوردستان بەردەوام بە دواداچوون بۆ ئەم دۆخە دەکات و ئامادەکاری بۆ دانیشتنێکی تایبەت لەسەر دۆخی رۆژئاوای کوردستان دەکات".


ئاماژە بەوەشکراوە "داوا لە کۆمەڵگای نیوەدەلەتی دەکەین، بە تایبەتی ئەمریکا و روسیا و بەریتانیا و فەرەنسا ، هەموو هێزو توانایان بخەنە گەڕ بۆ وەستاندنی ئەم دۆخە نەخوازراوە و ریگرتن لە ناسەقامگیری زیاتر و هەوڵدان بۆ رەخساندنی هەلومەرجی نوێ بۆ دانوستاندن".

 

پەرلەمانی کوردستان دەلێت "بە توندی ئیدانەی هەر جۆرە پەلامارێک دەکەین کە هاولاتیانی سیڤیل بە ئامانج بگریت لە هەر لایەکەوە بێت، پەرلەمانی کوردستان پشتیوانی تەواو لە بوونی دیالۆگ و گفتوگۆ دەکات لە سەر ئاستی هەریمایەتی بۆ دۆزینەوەی چارەسەری هەمیشەیی کیشەکانی ناوچەکە".

پەرلەمانی کوردستان ئەوەشی وتووە کە بەردەوام پشتیوانی چارەسەری ئاشتییانەو دیموکراسییانەی دۆزی رەوای خەلکی کوردستانە لە هەر پارچەیەک بیت.

692 جار خوێندراوەتەوە