لە هێرشێكی چەكدارانی تاڵیبان لە باشووری ئەفغانستان، لانی كەم 20 كەس كوژران و 95 كەسیش برینداربوون.

هێرش و پەلامارەكانی چەكدارانی تاڵیبان لە ئەفغانستان بەردەوامە، لە نوێترین هێرشدا، سەرلەبەیانیی ئەمڕۆ, بە لۆرییەكی بۆمبڕێژكراو هێرشیان كردەسەر سوپای ئەفغانستان لە باشوری وڵات و بارەگایەكی سەر بە هێزە ئەمنییەكانیان كردە ئامانج.

بەپێی سەرچاوەكان، لانی كەم 20 كەس كوژران و 95 كەسیش برینداربوون، پێ دەچێت لە چەند كاتژمێری داهاتوودا ژمارەوەكان ڕوولەزیادبوون بكەن.

دوای شكستهێنانی دانوستانەكانی نێوان بزوتنەوەی تاڵیبان و حكومەتی ئەمریكا، هێرش و پەلامارەكانی تاڵیبان, بە چڕی لە ناوچە جیاجیاكانی ئەفغانستان‌ و دژی حكومەت و هێزە ئەمنییەكانی ئەو وڵاتە دەستیپێكردوەتەوە.