ads top

توركیا: دەستبەرداری فڕۆكەی ئێف-35 نابین

03:14 - 11/09/2019
جیهان

وتەبێژی سەرۆكایەتی كۆماری توركیا هۆشداری دەداتە واشنتۆن كە دەركردنی  ئەنقەرە لە پرۆگرامی فڕۆكەی ئێف-35 هەروا ئاسان نابێت.

ئیبراهیم كاڵن، وتەبێژی سەرۆكایەتی كۆماری توركیا رایگەیاند، وڵاتەكەی دەستبەرداری فڕۆكەی ئێف 35 نابێت و جەختیشیكردەوە: كە دەركردنی ئەنقەرە لە پرۆگرام و بەرهەمهێنانی فرۆكەی ئێف-35 هەروا ئاسان نابێت.

سەبارەت بە ناوچەی ئارامیش لە باكوری سوریا، رایگەیاند، ناتوانن ئەوە پشتڕاست بكەنەوە كە بەهۆی ناوچەی ئارامەوە ناوچەكە ئارام بوەتەوە و هۆشداریشیدایە واشنتۆن كە رێگەنادەن سیناریۆی مەنبەج دووبارە بێتەوە و  دەستی دەستی بە توركیا بكرێت.

ئاماژەی بەوەشكرد, ئەگەر بێت و ناوچەی ئارام ببێتە ناوچەیەكی ئارام بۆ یەپەگە ئەوا وڵاتەكەی خاوەنی هێزو دەرفەتی ئەوەیە كە خۆی بە كردەیی ناوچەی ئارام دروست بكات.

ئەوەش لەكاتێكدایە، رۆژی یەكشەممەی رابردوو، هێزەكانی ئەمریكا و توركیا لە چوارچێوەی دامەزراندنی ناوچەی ئارامدا، یەكەمین گەڕانی هاوبەشیان لە باكوری سوریا ئەنجامدا.

961 جار خوێندراوەتەوە