به‌ وێنه‌: له‌ فەڕەنسا ٧٢هەمین فێستیڤاڵی کان ده‌ستیپێكرد

05:56 - 15/05/2019
گەلەری

٧٢هەمین فێستیڤاڵی کان بۆ فیلمی سینەمایی بە بەشداری ژمارەیەک فیلمی بەرچاو لە شاری کان-ی فەڕەنسا دەستیپێکرد.


دوای نمایشکردنی فیلمی "The Dead Don't Die"ی دەرهێنەری ئەمریکی جیم جارموسچ  رۆیشتن بەسەر فەرشی سووردا دەستیپێکرد.

ئالیخاندرۆ گۆنزالەز ئیناریتو، سەرۆکی دادوەرانی ئەمساڵی فێستیڤاڵەکەیه‌ و  دەرهێنەری بەڕەگەز ئەرجەنتینی کە خاوەنی خەڵاتەکانی ئۆسکارە لە فیلمەکانی "The Revenant" و "Birdman" دا.

ئێلی فاننگ، ئەکتەری ئەمریکی ٢١ ساڵ ، مایمۆنوا نەدیایە، دەرهێنەری فەڕەنسی بەڕەگەز غینیایی و کلی رەیخاردت، دەرهێنەری ئەمریکی و پاوڵ پاولیکۆسکی، دەرهێنەری پۆڵۆنی ، ئەنکی بیلال، سیناریستی فەڕەنسی و دەرهێنەری فیلم کارتۆن و  رۆبن کامپیلۆ، دەرهێنەر و سیناریستی فەڕەنسی و ئالیس رۆهرواچەر، دەرهێنەری ئیتاڵی و یۆرگۆس لانزیمۆس، هونەرمەند و دەرهێنەری یۆنانی لە دادوەرانی ئەمساڵی فێستڤاڵەکەن.


فیلمی "Once Upon A Time In Hollywood"  لە نواندنی ئەکتەرە بەناوبانگەکانی وەک براد پیت، لیۆناردۆ دیکاپریۆ یەکێکە لە فیلمە بەناوبانگەکانی فێستیڤاڵەکە.

زیاتر لە چوار هەزار رۆژنامەنووس و دوو هەزار دەزگای میدیایی لە ٩٠ وڵاتەوە رووماڵی فێستیڤاڵەکە دەکەن و ١٢ رۆژ دەخایەنێت. 


چاوەڕوان دەکرێت زیاتر لە ٢٠٠ هەزار میوان سەردانی فێستیڤاڵەکە بکەن.

447 جار خوێندراوەتەوە