هێڵی ئاسمانیی
عێراقی دەستپێکردنەوەی گەشتە ڕاستەوخۆکانی بۆ شاری دوبەی لە هەردوو فڕۆکەخانەی
نێودەوڵەتیی هەولێر و سلێمانییەوە ڕاگەیاند، بڕیارە گەشتەکانیش لە کۆتایی ئەم
مانگەدا دەست پێ بکەن.
مستەفا تاڵیب،
بەڕێوەبەری گشتیی هێڵی ئاسمانیی عێراقی ڕایگەیاند؛ بەپێی ڕێنماییەکانی وەزیری
گواستنەوە بۆ کاراکردنەوەی گەشتە دەرەکییەکان و فراوانکردنی بژاردەکانی گەشتکردن،
ڕۆژی 26ی ئەم مانگە یەکەم گەشت لە هەولێرەوە و 27ی مانگیش لە سلێمانییەوە بەرەو
دوبەی ئەنجام دەدرێن.
ئاماژەی
بەوەشکردووە، کاردەکەن بۆ ڕێکخستنی خشتەی گەشتەکان بەجۆرێک کە لەگەڵ خواست و
پێداویستیی گەشتیاراندا گونجاو بێت، هاوکات ئۆفەری کێبڕکێکاریش بۆ نرخی بلیتەکان
ڕادەگەیەنن کە لە بەرژەوەندیی گەشتیاراندا دەبێت.
82 جار خوێندراوەتەوە