هێزەکانی بەڕێوەبەرایەتیی گشتیی دژەتیرۆر، دوای کۆکردنەوەی زانیاریی وردی هەواڵگری، توانییان تیرۆریستێکی داواکراوی داعش لە شاری سلێمانی دەستگیر بکەن.

ئەو چەکدارە دوای ڕووخانی ڕێکخراوەکە ڕووی لە سلێمانی کردووە و تا کاتی دەستگیرکردنی وەک ئەندامێکی چالاک لە سنوورەکەدا ماوەتەوە.

تیرۆریستە دەستگیرکراوەکە ئەندامی بەناو "فیرقەی 210"ی داعش بووە و پێشینەی خێزانەکەشی لەناو ڕێکخراوەکەدا هەبووە.

باوکی فەرماندەی مەفرەزەیەکی سەربازی بووە لە "ویلایەتی باکووری بەغدا" و دواتر کراوەتە والیی فەللوجە، کە پاشان لە هێرشێکی ئاسمانیدا لە قەزای ئەبو غرێب کوژراوە. هەروەها، یەکێک لە براکانیشی لە ناوچەی نباعی لەلایەن هێزە ئەمنییەکانەوە کوژراوە.