نووسینگەی سەرۆک وەزیرانی ئیسرائیل ڕایدەگەیەنێت، وڵاتەکەیان لەوپەڕی ئامادەباشیدایە بۆ بەرگریکردن و هێرشکردن، هاوکات جەخت لەوە دەکاتەوە کە بەهیچ شێوەیەک هەوڵەکانی ئێران بۆ سەپاندنی هاوکێشەیەکی نوێ قبوڵ ناکەن.

لە ڕاگەیەندراوێکدا، نووسینگەی بێنیامین نەتانیاهۆ، سەرۆک وەزیرانی ئیسرائیل ئاماژەی بەوە کرد، هێزەکانیان لەسەر ئاستی بەرگری و هێرشبەری لە دۆخێکی ئامادەباشیی زۆر بەرزدان. هەروەها ڕەتیانکردەوە ملکەچی هیچ هەوڵێکی ڕژێمی ئێران ببن بۆ دروستکردن و سەپاندنی هاوکێشەیەکی نوێ لە ناوچەکەدا.

لە بەشێکی دیکەی ڕاگەیەندراوەکەدا، ئیسرائیل ئاماژەی بە دۆخی لوبنان کردووە و دووپاتی کردووەتەوە کە بەردەوام دەبن لە چالاکییەکانیان، و هەرکاتێک پێویست بکات لە سەرانسەری لوبناندا کارە سەربازییەکانیان ئەنجام دەدەن.