کەمێک پێش ئێستا لە گەڕەکی ماڵتایێی دهۆک بەهۆی شۆرتی کارەباوە دوو کرێکار لەناو باڵەخانەیەکدا گیانیان لەدەستدا و یەکێکی دیکەش بریندار بوو.

هەواڵ: KNN

بەپێی زانیارییە سەرەتاییەکان، ڕووداوەکە کاتێک ڕوویداوە کە کرێکارەکان سەرقاڵی کارکردن بوون لەناو باڵەخانەکەدا. ئەو دوو کرێکارەی گیانیان لەدەستداوە دانیشتووی قەزای سێمێلن؛ یەکێکیان تەمەنی نزیکەی 30 ساڵە و ئەوی دیکەشیان تەمەنی 59  ساڵە.

هەروەها خاوەنی باڵەخانەکەش لە هەمان ڕووداودا بریندار بووە، بەڵام سەرچاوە پزیشکییەکان ئاماژە بەوە دەکەن کە باری تەندروستی جێگیرە و هیچ مەترسییەک لەسەر ژیانی نەماوە.

 بە پێی ئامارەکان   لە سەرەتای ئەمساڵەوە تا ئێستا، ئەمە پێنجەمین حاڵەتی گیانلەدەستدانی کرێکارانە کە لە سنووری پارێزگای دهۆک بەهۆی ڕووداوەکانی کارەوە تۆمار دەکرێت.