سەرۆکی کۆریای باکوور هەڕەشە لە دەسەڵاتدارانی سیئول دەکات و دەڵێت، هەر جوڵەیەکیان بە زەبرێکی کوشندە وەڵام دەدەنەوە.

کیم جۆنگ ئون سەرۆکی کۆریای باکوور رایگەیاند: هەر جۆرە دەستدرێژییەک لەلایەن کۆریای باشوورەوە بۆ سەر وڵاتەکەمان، رووبەڕووی تۆڵەیەکی کوشندە و بێبەزەییانە دەبێتەوە.

باسی لەوەشکرد، وەک وڵاتێکی دوژمن لە کۆریای باشوور دەڕوانین و هەر چەشنە پەیوەندییەک لەگەڵ ئەو وڵاتە رەتدەکەینەوە.

ماوەیەکە گرژییەکانی نیمچە دوورگەی کۆریا پەرەی سەندووە و لە رۆژانی رابردوودا کۆریای باکوور چەندین مانۆڕی سەربازی و تاقیکردنەوەی مووشەکی جۆراوجۆری ئەنجام دابوو.

پیونگ یانگ رایگەیاندووە، مانۆڕە سەربازییە هاوبەشەکانی ئەمریکا و کۆریای باشوور لە دژی ئاسایشی وڵاتەکەیانەوە و بە توندی بەرپەرچی هەر مەترسییەک دەدەنەوە کە بۆ سەر وڵاتەکەیان دروست بێت.