پەرلەمانتارێکی دەنگۆی قەرزاربوونی عێراق بە 100 ترلیۆن دینار ڕەتدەکاتەوە و دەڵێت ئەگەرچی عێراق قەرزارە بەڵام بڕی قەرزەکەی زۆر لەو ژمارەیە کەمترە.

هەواڵ:KNNC

باقر سەعدی  پەرلەمانتاری پێشووی عێراق ڕایگەیاند: ئەو ئامارانەی سەبارەت بە قەرزە ناوخۆیی و دەرەکییەکانی عێراق بڵاودەکرێنەوە زیادەڕەویین و بەوجۆرە نییە.

باقر سەعدی وتی، دەوڵەتی عێراق قەرزی ناوخۆیی و دەرەکی هەیە، بەڵام ئەو ئامارانەی دەگەنە 100 ترلیۆن دینار یان زیاتر ناڕاستن و بڕی قەرزی ڕاستیینە زۆر کەمترە لەوە، بەشێکی زۆری ئەو شتانەی لەلایەن هەندێک لە سیاسەتمەداران و شارەزایانەوە دەگوترێ، دەکەوێتە ناو کایەی مشتومڕی سیاسییەوە، دوورە لە بابەتیبوون"، ئاماژەی بەوەشکرد "کەسانێک هەن لە سروشتی ئەو قەرزانە و میکانیزمەکانی مامەڵەکردن لەگەڵیان تێناگەن، لەکاتێکدا عێراق خاوەنی سەرچاوەی دارایی و سامانی بەرچاوە.

هاوکاتی ئەوەش بە وتەی ناوبراو، جەختی لەوە کردەوە کە مووچەی فەرمانبەران و خانەنشینان "مسۆگەرە" و هیچ نیگەرانییەک لەو بارەوە نییە.


لە بەشێکی قسەکانیدا ئاماژەی بەوەکرد، نووری مالیکی، دوای پێکهێنانی حکومەت، کار لەسەر پێکهێنانی لیژنەیەکی باڵا بۆ بەڕێوەبردنی مەلەفی دارایی و ئابوریری عێراق دەکات، هەروەها نەخشەڕێگەیەک دادەڕێژێت بۆ پرسی موچە کە چارەسەری قەیرانی نەختینەیی دەکات، حکومەتی داهاتو پابەندە بە چارەسەرکردنی قەیرانی نەختینەیی ئاماژەی بەوەشکرد کە دۆخی دارایی و ئابوریی باشە، بەڵام پێویستی بە گۆڕانکاری بەرچاو هەیە"، لە پێش هەموویانەوە کەمکردنەوەی پشتبەستنی 90% بە نەوت و هەنگاونان بەرەو ئابورییەکی هەمەچەشن....