وەزارەتی دارایی عێراق بڕیاریدا و بەشێک لە شایستەی دارایی و دەرماڵەی چاودێرانی خاوەنپێداویستی تایبەت دەبڕێت.

هەواڵ:KNNC


بەپێی نووسراوێکی فەرمیی وەزارەتی دارایی فیدراڵ کە ئاراستەی وەزارەتی پەروەردە کراوە، ڕوونکردنەوەیەک سەبارەت بەو فەرمانبەرانە دراوە کە مۆڵەتی چاودێریکردنی کەسێکی خاوەن پێداویستی تایبەتیان هەیە، تێیدا هاتووە:

شایستە داراییەکان: فەرمانبەری چاودێر تەنها مافی وەرگرتنی (مووچەی بنەڕەتی + دەرماڵە جێگیرەکان)ی هەیە.

دەرماڵە جێگیرەکان: مەبەست لێی تەنها (دەرماڵەی بڕوانامە + دەرماڵەی هاوسەرگیری و منداڵ)ە.

لە نووسراوەکەدا جەخت کراوەتەوە کە "دەرماڵەی پیشەیی" (المخصصات المهنية) کە بڕەکەی (150) هەزار دینارە، فەرمانبەری چاودێر نایگرێتەوە، بڕیار دراوە ئەم دەرماڵەیە ببڕدرێت و ئەو بڕە پارەیەی پێشتر دراوە، بە ئەقەمی پاشەکشێ لە ڕێککەوتی 30ی حوزەیران-6ی 2024ـەوە لە مووچەی فەرمانبەران وەربگیرێتەوە....