دوای ململانێ زۆرەکانی نێوانیان نوری مالیکی و محەممەد شیاع سودانی کۆبوونەوە و جەختیان لە پابەندبوون بە وادە دەستورییەکان کردەوە بۆ دۆخی سیاسیی.

هەواڵ:KNNC

نوری مالیکی  سەرۆکی هاوپەیمانی دەوڵەتی یاسا و محەممەد شیاع سودانی سەرۆکی حکومەتی عێراق و هاوپەیمانی بنیادنان و گەشەپێدان کۆبوونەوە بۆ تاوتوێکردنی دۆخی گشتیی و دانوستانەکانی نێوان هێزە سیاسییەکان.

بەپێی ڕاگەیەندراوی نوسینگەی محەممەد شیاع سودانی، لە کۆبوونەوەکەدا پێداچوونەوە بە لێکتێگەیشتن و دانوستانەکانی نێوان هێزە نیشتیمانییەکان کراوە، هەروەها ئەو هەوڵانەی دەدرێن بۆ گەیشتن بە ڕێککەوتنێکی سیاسی کە هەڵبژاردنی سەرۆکی کۆمار لە ئەنجومەنی نوێنەران تەواو بکات، و بەردەوام بێت لەسەر بنەما دەستورییەکان.

لە ڕاگەیەندراوەکەدا ئاماژە بەوەشکراوە، سودانی و مالیکی باسیان لە هەڵوێستی لایەنە سیاسییەکان کردووە لەسەر دۆخی ئێستا، جگە لەوەی جەختیان لەسەر پابەندبوونی بەردەوامی حکومەت کردووەتەوە بۆ جێبەجێکردنی داواکارییەکانی خزمەتگوزاری و گەشەپێدان، هەروەها بەهێزکردنی ئابووریی نیشتمانی لەژێر ڕۆشنایی بارودۆخی سیاسیی ئێستادا...