باڵیۆزی ئەمەریکا لە عێراق دەڵێت دەبێت حکومەتی داهاتوو تەواو سەربەخۆبێت و ئەمەریکا هەر دەستتێوەردانێکی دەرەکیی ڕەتدەکاتەوە.

هەواڵ:KNNC

باڵیۆزی ئەمەریکا لە عێراق ڕایگەیاند کە دەبێت حکومەتی داهاتووی عێراق سەربەخۆ بێت و دووربێت لە دەستتێوەردانی دەرەکیی.

لەوبارەیەوە جۆشوا هاریس بەرپرسی کاروباری باڵیۆزخانەی ئەمریکا لە عێراق لە میانی دیدارێک لەگەڵ عەبدولحسێن موسەویی سەرۆکی هاوپەیمانی نیشتیمانی عێراق ڕایگەیاند: ئەمەریکا جەخت دەکاتەوە لە پێکهێنانی حکومەتیکی سەربەخۆی عێراق کە خاوەن سەروەریی خۆی بێت.

وتیشی دەبێت عێراق بەرژەوەندییەکانی خۆی پێش هەموو شت بخات و وڵاتەکە دووربێت لە هەژموون و دەستتێوەردنی دەرەکیی وڵاتانی دیکە و ئەمەریکاش لەسەر ئەو بنەمایە هاوپشتیی عێراق دەکات...