پێشەوا هەورامانی وەڵامی محەممەد حەلبوسی دەداتەوە و دەڵێت هەولێر پێشوازیی لە شۆڤێنییەکی گەندەڵ ناکات کە بەرپرسە لە بردنی ملیۆنەها دۆلاری عێراق و لێرە شوێنێک بۆ کەسانێک نییە کە چاکەی لەبەرچاو نەبێت.

هەواڵ:KNNC

پێشەوا هەورامانی وتەبێژی حكومەتی هەرێمى كوردستان وەڵامی محەممەد حەلبوسی سەرۆكی حزبی تەقەدومی دایەوە و ڕایگەیاند:هەولێریش پێشوازیی لە کەسانی وەک ئەو ناکات.

پێشەوا هەورامانی وتویەتی: تۆ نوێنەرایەتی ئەو ئایدۆلۆژیای شۆڤێنیستیە دەکەیت کە پێویستە لێپرسینەوەی یاسایی لەگەڵ بكرێت لەسەر بۆ ئەو ملیۆنەها دۆلارەی لە ڕێگەی گەندەڵیەوە بەدەستت هێناوە، بە قۆستنەوەی خوێن و ئارەقەی گەلی عێراق، بەردەوامی بوونی کەسانی وەک ئێوە بەداخەوە ئەوە دووپات دەکاتەوە کە شۆڤێنیزم هێشتا لە عێراقدا هەڵنەوەریووە. پێویستە پەند و وانە لە مێژوووە وەربگریت؛ هەرێمی کوردستان بەرهەمی قوربانیدانێكی بێئەندازەیەو تۆ زۆر لەوە بێبایەخ تری سنورێک بۆ ئیرادەی دابنێیت.

ئەوەش دوای ئەوەدێت کە پێشتر حەلبوسی ڕایگەیاند: هەرگیز سەردانی هەولێر ناكەم و پێویستە ئەو تێڕوانە خۆبەلزانیەش بگاتە ئاستێكی واقیعی.