شەپۆلێکی بارانبارینی سەرتاسەری هەرێمی کوردستان دەگرێتەوە و کەشناسێکیش دەڵێت شەپۆلەکە دابارینی باشی لەخۆگرتوە و ئاستی ئاو بەشێوەیەکی باش بەرزدەکاتەوە.

هەواڵ:KNNC

کەشناسیی هەرێمی کوردستان پێشبینییەکانی کەشوهەوای بڵاوکردەوە و ڕایگەیاند: ئاسمان نیمچەهەور و هەوری تەواو دەبێت و لە سبەینێوە هەرێمی کوردستان دەکەوێتە ژێر کاریگەریی شەپۆلێکی بارانبارین و بەفریشی لەگەڵ دەبێت.
بەرزترین پلەکانی گەرماش لەنێوان 3 بۆ 18 پلەی سیلیزییدا دەبن.

لای خۆشییەوە ئاراس جەبار، شارەزای بواری کەشناسی ئاشکرایکرد، شەپۆلەکە لە ئێوارەی سبەینێوە دەستپێدەکات و بارانبارین بە بڕی جیاواز سەرجەم ناوچەکانی هەرێمی کوردستان دەگرێتەوە، لەگەڵ بارینی بەفر لە ناوچە شاخاوییە بەرزەکان.

وتیشی، کاریگەریی ئەم شەپۆلە لەسەر ناوچەکانی سنوری سلێمانی، هەڵەبجە، کەرکوک و گەرمیان زیاتردەبێت، بەتایبەت لەنێوان کاتەکانی شەوی چوارشەممە لەسەر پێنجشەممە، لەو ناوچانە ئەگەری چالاکبوونی هەورەبروسکەی بەهێز و بارانی بەخوڕ دەبێت، لەگەڵ بارینی تەرزە لە هەندێک شوێن و بەرزبوونەوەی ئاستی ئاو...