پلەکانی گەرما بەرەو بەرزبوونەوە دەچن و کۆتایی ئەم مانگەش شەپۆلێکی بارانبارین ڕوو لە هەرێمی کوردستان دەکات.

هەواڵ:KNNC

کەشناسیی هەرێمی کوردستان پێشبینییەکانی کەشوهەوای بڵاوکردەوە و ڕایگەیاند: ئاسمان نیمچەهەور و هەوری تەواو دەبێت و پلەکانی گەرماش 2 بۆ 4 پلەی سیلیزیی بەرزدەبنەوە.

بەپێی پێشبینییەکان بەرزترین پلەکانی گەرماش لەنێوان 2 پلەی ژێرسفر و 10 پلەی سیلیزییدا دەبێت.

لای خۆشییەوە کەشناس شاڵاو هیدایەت بە کەی ئێن ئێنی ڕاگەیاند: لە 28 بۆ 29 ی ئەم مانگە شەپۆلێکیتری بەفروباران ڕوو لە هەرێمی کوردستان دەکات شەپۆلەکە زیاتر بارانبارینە و بۆ ناوچە شاخاویی و کوێستانەکانیی و سنورییەکانیش بەفری لەخۆگرتوە.

لەبارەی مانگەکانی شوبات و ئازار واتا 2 و 3 ش وتی، سەرما و بەفروبارانی زۆر باشی تێدادەبێت و دوو لە مانگە هەرە باشەکانی دابارین دەبن....