سەرمای بەهێز بەردەوام دەبێت شەپۆلێکی بەفربارین هەرێمی کوردستان و بیابانەکانی عێراق دەگرێتەوە.

هەواڵ:KNNC


کەشناسیی هەرێمی کوردستان پێشبینییەکانی کەشوهەوای بڵاوکردەوە و ڕایگەیاند: ئاسمان و ساماڵ و پەڵەهەور دەبێت و لەگەڵ ئەوەی پلەکانی گەرما کەمێک بەرز دەبنەوە، بەڵام پلەکانی گەرما بە نزمیی دەمێننەوە و سەرما و شەختە بەردەوام دەبێت.

هاوکات لە سبەی شەوەوە ئاسمان بۆ هەوری تەواو دەگۆرێت لەگەڵ دەستپێکردنی شەپۆلێکی بەفربارین بۆ تەواوی ناوچەکانی هەرێمی کوردستان.

بەپێی پێشبینییەکان پلەکانی گەرما لەنێوان 3پلەی ژێرسفر و 10 پلەی سیلیزییدا دەبن.

لای خۆشییەوە کەشناس شاڵاو هیدایەت بە کەی ئێن ئێنی ڕاگەیاند: لە سبەی پێنجشەممەوە شەپۆلێکیتری بەفر و کڕێوە و بارانێکی کەم ڕوو لە هەرێمی کوردستان دەکات و پێشبینی دەکرێت بەفربارین تەواوی هەرێمی کوردستان بگرێتەوە و ناوچەکەمان بەتەواوەتی سپیپۆشببێت، چونکە شەپۆلەکە زۆرتر بەفربارینە و شڵێوە و کڕێوەشی لەگەڵە.

ئەو کەشناسە ئاماژەی بەوەشدا، لە هەیینیدا شەپۆلەکە کاریگەرییەکەی زیاتر دەبێت و بازنەی بەفربارین فراوانتر و زیاتر دەبێت، ئەگەری هەیە لە دەشتاییەکانی گەرمیان و هەولێر و تەنانەت موسڵ و بەشێکی ناوچە بیابانەکانی عێراقیش بەفر ببارێت...