ساڤایا بە بڵاوکردنەوەی وێنەکەی هەرا دەنێتەوە و دراوی سەردامی بەعسی عێراق لەسەر مێزەکەی ترەمپە.

هەواڵ:KNNC

مارک ساڤایا لە تۆڕی کۆمەڵایەتی ئێکس وێنەی کۆبونەوەیه‌كى خۆی ‌و دۆناڵد تره‌مپى بڵاوکردەوە، تیایدا ترەمپ لەسەر مێزێک دانیشتوە، ساڤایا لەتەنیشتی وەستاوە و لەکاتی قسەکردنیدا سه‌رنجى بۆسه‌ر مێزه‌كه‌ چوه‌، به‌ڵام له‌سه‌ر ئه‌و مێزه‌ دراوێكى كۆنى عێراقیی‌ لەبەردەم ترەمپدایە کە وێنەی سەدام حسێنی لەسەرە.

ساڤایا لە پۆستەکەیدا هیچ ڕوونکردنەوەیەکی نەداوە و تەنها وتویەتی "خۆشحاڵبووە بە بینینی ترەمپ و ڕۆژێکی نایاب بووە".

بەلەبەرچاوگرتنی هەستیاریی وێنه‌ى سه‌ر دراوه‌كه‌ و مێژوه‌ سیاسییەکەی، بەتایبەتی لەچوارچێوەی گرژییه‌كانى ئەمریکاو عێراقدا، شەپۆلێک پرسیار و لێکدانەوەی به‌دواى خۆیدا هێناوه‌، زۆرکەس ئەو دیمەنەیان بەنائاسایی‌ و پڕمانای قووڵ لێکدەدرێتەوە، بەوپێیەی ئێستا دۆخی سیاسیی ناوچەکە لە گۆڕاندایە و عێراقیش لەو وڵاتانەیە کە ئەمەریکا بەردەوام هۆشداریی و ڕێنمایی پێدەدات بۆ گونجان لەگەڵ دۆخەکە بەپێی ویستی واشنتن....