سەرۆکی هەرێمی کوردستان داوا لە هاوپەیمانی نێودەوڵەتی دەکات "ئه‌ركى خۆى له‌ پاراستنى سه‌قامگيرى و رێگرى له‌ سه‌رهه‌ڵدانه‌وه‌ى داعش جێبه‌جێ بكات". و دەشڵێت، "پێويسته‌ مافى كورد و ته‌واوى پێكهاته‌كان له‌ سووريا پارێزراو بن و له‌ ده‌ستوورى داهاتووى سووريادا مسۆگه‌ر بكرێن".

هەواڵ: KNNN

 نێچیرڤان بارزانی، سەرۆکی هەرێمی کوردستان پەیامێکی لەبارەی رۆژئاوای کوردستان و سووریا بڵاوکردەوە و دەڵێت، "ئێمه‌ له‌ هه‌رێمى كوردستان به‌ نيگه‌رانييه‌كى زۆره‌وه‌ له‌ به‌رده‌واميى پێكدادان و روبه‌ڕووبوونه‌وه‌ سه‌ربازييه‌كانى نێوان هێزه‌كانى سوپاى سووريا و هه‌سه‌ده‌ ده‌ڕوانين"

سەرۆکی هەرێمی کوردستان دەڵێت، "به‌رده‌واميى شه‌ڕ و پێكدادان هه‌ڕه‌شه‌يه‌كى جددى له‌سه‌ر ئارامى و سه‌قامگيريى سووريا و ناوچه‌كه‌ به‌گشتى دروست ده‌كات و مه‌ترسيى سه‌رهه‌ڵدانه‌وه‌ى داعش ده‌هێنێته‌وه‌ ئاراوه‌"

لەبارەی راگرتنی شەڕ و نەهێشتنی گرژییەکانی سووریا و رۆژئاوای کوردستانیش، نێچیرڤان بارزانی دەڵێت، "ئاماده‌ى پێشكه‌شكردنى هه‌مو هاوكارى و يارمه‌تييه‌كين‌‌".

لەبارەی مەترسییەکانی داعش و سەرهەڵدانەوەی لە سووریا، سەرۆکی هەرێمی کوردستان داوا لە کۆمەڵگەی نێودەوڵەتی دەکات، " ئه‌ركى خۆى له‌ پاراستنى سه‌قامگيرى و ڕێگرى له‌ سه‌رهه‌ڵدانه‌وه‌ى داعش جێبه‌جێ بكات".