شەڕ و پێکدانانی قورس لەنێوان هەسەدە و چەکدارانی سوریا لە ڕۆژئاوای ڕەققە دروستبووە و سوپا هێرشی کردوەتە سەر پێگەکانی هەسەدە.

هەواڵ:KNNC

پاش کشانەوەی شەڕڤانانی هێزەکانی سوریای دیموکرات-هەسەدە لە دێرحافر و مەسکەنە، سوپای سوریا بەوەوە نەوەستاوە بەردەوامە لە پێشلکاریی ڕێککەوتن و هێرشکردنە سەر هەسەدە.

لەوبارەیەوە هەسەدە ڕایگەیاند: لە ڕەققە لەلایەن چەکدارانی سوریاوە هێرشکراوەتە سەر پێگەی شەڕڤانان، ئەوەش پێشێلکاریی ئاشکرای ڕێککەوتنە و دەبێت هەرچی زووە نێوەندگیرەکان بێنە سەرهێڵ و بەر بە پێشیلکارییەکان بگرن.
لەلایەکی دیکەوە سوپای سوریای عەرەبیی ڕایگەیاند: کە سەربازانیان چوونەتە نێو ڕۆژئاوای ڕەققە و ناوچەکە ئێستا لە دەستی ئەواندایە.

هاوکاتی ئەوانەش سوپای سوریای عەرەبی تەبقەی وەک ناوچەی داخراوی سەربازیی دانا و ئەوەش وەک ئاماژەیەکە بۆ پلانی هێرشکردنە سەر ناوچەکە.

ئەوەش لە کاتێکدایە ڕێککەوتنکرا بۆ کشانەوەی شەڕڤانانی هەسەدە لە دێرحافر و مەسکەنە بە مەرجی پێشڕەویینەکردنی سوپای سوریا.