هەسەدە دەڵێت کۆمەڵێک شەڕڤان لە دێرحافر و مەسکەنە گەمارۆدراون و پارێزراوییان لە ئەستۆی دیمەشق و نێوەندگیرەکاندایە.

هەواڵ:KNNC

هێزەکانی سوریای دیموکرات-هەسەدە لە ڕاگەیەندراوێکیدا گەمارۆدانی کۆمەڵێکی شەڕڤانی لەلایەن چەکدارانی سوریاوە لە دێرحافر و مەسکەنە ڕاگەیاند.

هەسەدە وتویەتی، لەئەنجامی ناپاکییەکانی حکومەتی دیمەشق و پێشێلکردنی ڕێککەوتننامە بە نێوەندگیریی نێودەوڵەتی، تاقمێک لە شەڕڤانان لە دێرحافر و مەسکەنە گەمارۆدراون، سەرەڕای ئەوەی لە ڕێککەوتنەکەدا وادەی 48 کاتژمێری دیاریکراوە بۆ کشانەوەی هێزەکان، کەچی حکومەتی دیمەشق ڕێککەوتنەکەی پێشێلکرد و بە بەکارهێنانی تانک هێرشی کردە سەر شەڕڤانان.

هەسەدە دیمەشق و وڵاتانی نێوەندگیری بەرپرسیار کردوە و ڕایگەیاندوە، حکومەتی دیمەشق و زلهێزە نێودەوڵەتییەکانی پشتیوانی ڕێککەوتننامەکە بە تەواوی بەرپرسیار دەزانن لە پارێزراویی ژیانی شەڕڤانە گەمارۆدراوەکان، جەختیشکردوەتەوە لە دڵنیاییدان لە تێپەڕبوونی شەڕڤانان و چەکەکانیان بۆ باکور و ڕۆژهەڵاتی سوریا بە پارێزراویی...