هەسەدە دەڵێت چەکدارانی سوریا ڕێککەوتنیان شکاندوە و پێش کشانەوەی شەڕڤانان چوونەتە دێرحافر و مەسکەنە و بەهۆی پێکدادانیشەوە شەهیدیان داوە لە کاتێکدا 48 کاتژمێر بۆ کشانەوە دانراوە، سوپای سوریاش دەڵێت هەسەدە پردی شوعەیبی لە ڕەققە تەقاندوەتەوە و ڕێککەوتنی پێشێل کردوە.

هەواڵ:KNNC

هێزەکانی سوریای دیموکرات-هەسەدە لە بەیاننامەیەکدا ڕایگەیاند: پێکدادانەکانی  عەفنانی ڕۆژئاوای ڕەققە، دوای هێرشێکی ناپاکانەی چەکدارانی دیمەشقبووە بۆسەر سەر پێگەکانی شەڕڤانان، کە ئەوەش پێشێلکردنی ئاشکرای ڕێککەوتننامەی نێوەندگیری نێودەوڵەتیی بوو.

لە ڕێککەوتنەکەدا ئاگربەست و وادەی 48 کاتژمێری بۆ کشانەوەی هێزەکانمان لە شارۆچکەکانی دێرحەفەر و مەسکەنە دیاریکراوە. بەڵام حکومەتی دیمەشق پێش تەواوبوونی کشانەوەکە کاروانی سەربازی و چەکی قورس و تانکی بۆ ناوچەکە جێگیرکرد و هێرشی کردە سەر چەکدارەکانمان و لە ئەنجامدا ژمارەیەک شەڕڤانمان شەهیدبوون و برینداربوون.

هەسەدە وتویەتی"ئێمە ئەوانەی پێشێلی ڕێکەوتنەکەیان کردووە و ناپاکیان لە هێزەکانمان کردووە، بە تەواوی بەرپرسیاری ئەم شەڕە دەزانین، لەگەڵ ئەوەشدا بەرپرسیارییەتی تەواو لە ئەستۆی هێزە نێوەنگیر و پشتیوانەکانی ڕێککەوتنەکەیە بۆ ڕاگرتنی گرژییەکان و داوایان لێدەکەین هەرچی زووە دەستوەردانی بەپەلە بکەن بۆ پەرەنەسەندنی شەڕ و ڕاگرتنی پێشێلکارییەکان.

لەلایەکی دیکەوە سوپای سوریا ڕایگەیاند: کە هەسەدە ڕێککەوتنی شکاندوە و "چەکدارانی قەندیل" کە مەبەستیان شەڕڤانانی هەسەدەیە ڕێککەوتنیان شکاندوە و پردی شوعەیبیان لە ڕەققە تەقاندوەتەوە...