فەرماندەی ئاساییشی حەلەب دەڵێت سەرباری ئازار و زەحمەتییەکان دواجار کورد سەردەکەوێت و سەرکەوتنەکەی نیشانی جیهان دەدات.

هەواڵ:KNNC

زیاد حەلەب، فەرماندەی هێزەکانی ئاسایش لە حەلەب لە نوێترین پەیامیدا ڕایگەیاند، بەڵێن بە گەل و هەموو جیهان دەدەن کە دەست لە بەرگری هەڵناگرن و دواجار سەرکەوتن بەدەست دەهێنن.

فەرماندەی ئاسایشی حەلەب وتی: "ئێمە بۆ گەلەکەمان و هەموو دونیا رایدەگەیەنین کە بەردەوام دەبین لە بەرخۆدان و بە هەموو جیهانی نیشان دەدەین کە سەرکەوتوو دەبین.

زیاد حەلەب ئاماژەی بە سەختی دۆخەکەش کرد و وتی: "ڕاستە ئێمە ئێستا ئازار و زەحمەتی و ناڕەحەتی زۆر دەکێشین، بەڵام دڵنیاین لە کۆتاییدا هەر ئێمە سەردەکەوین و بە هەمووان دەڵێین کورد چەند نەبەزە."